धेरै मानिसलाइ आफूलाई लागेको कुरा अरुलाई सुनाइ हाल्न पाए हुन्थ्यो र आफ्नो कुरा अरुले पत्याइहाले हुन्थ्यो भन्ने लाग्छ नै । यो मानिसको स्वभाव र चरित्र हो । थोरैमात्र त्यस्ता मानिस हुन्छन जो अरुको कुरा सुनेर उनीहरुको चाहना र मनोविज्ञान बुझेर त्यसलाई सम्बोधन गर्दछन । सामान्य त: समाज सेवा र राजनीतिमा अरुको चाहना सम्बोधन गरेर त्यस अनुसारको नीति, कार्यक्रम र योजना बनाउने संस्कार र चलन हुन्छ । दुरदर्शी र कामयावी नेताहरु आफ्नो समाज, राष्ट्र र आफू कृयाशील संगठनमा रहेका मानिसहरुको चाहना, आवश्यकता र खाँचोहरु प्राप्त गर्न आफ्नो भूमिकालाई सकृय बनाउछन र त्यस अनुसार नीति तथा कार्यक्रमको तर्जुमा गर्दछन ।
स्वार्थपूर्तिको दुनियाँमा रमाउन चाहने मानिसहरु जहिल्यै पनि अरुलाई आफ्नो ईशारामा नचाउन सकृय हुने गर्दछन । चाहे लोभलालच, डरत्रास, धम्की या कुनै अनुचित प्रभावमा पारेर मानिसलाइ आफ्नो कावुभित्र राखेर नचाउन उनीहरु खुवै कोशीस गर्दछन । अरुले आफ्नो भनाइ अनुसार काम गरी दिएमा उनीहरु आफूलाई एकदमै ठूलो मानिस भएको दम्भ गर्दछन । यो प्रवित्तिका मानिसहरु सम्भव त: समजलाइ समुन्नती र सम्रिद्दितिर रुपान्तरण गर्न भन्दा पनि आफ्नो स्वार्थ हासील गर्ने ध्येयबाट नै चलायमान हुने गर्दछन र आफूलाई अरु भन्दा एकदमै फरक र शक्तिशाली भएको देखाउन चाहन्छन । उनीहरुको कार्यसैली अरुलाई कमसल र खराब देखाएर आफूमात्र अब्बल र असल भएको दावी गर्दछन । समाजमा रहेका यस्ता चरित्र भएका मानिसहरु आफ्नो महानताको खुवै प्रचार गर्दछन र अरुलाई निच देखाउने हर्कत गर्दछन ।
अर्कोतिर समजमा यस्ता मानिसहरु पनि भेटिन्छन् जो अरुकै हितको लागि आफूलाई समर्पित गर्दछन जसले आफ्नो महानताको कहिल्यै प्रचार गर्दैन र भ्रमको खेतीबाट जीविकोपार्जन गर्ने सोच पनि राख्दैन । समाज सेवा वा राजनीति सबै क्षेत्रमा यस्ता खालका चरित्र भएका मानिसहरु पाईन्छन । असल चरित्र भएको मानिसले जहिले पनि अरुको सकारात्मक कामप्रति प्रसंसा गर्दछ भने खराब मानिसले अरुको राम्रो काममा पनि केही न केही खराबी देखाएर आफ्नो स्वार्थपरक कामलाई खुवै प्रसंसा गर्दछ ।
सामान्य त यस्तै गुण भएका मानिसहरु राजनीतिक पार्टीमा पनि हुने गर्नाले नै प्राय: त टकराव उत्पन्न भैरहन्छ । मानिसको जन्मसिद्द गुण र चरित्र पुरै परिवर्तन हुन त: सक्दैन नै तर संगठित प्रकृयाबाट संचालित संस्थाहरुमा व्यबस्थापकीय पद्दतिबाट त्यसलाई थोरबहुत नियन्त्रण र सन्तुलन भने अवश्य गर्न सकिन्छ । ज्ञान, गुण र बुद्दिमत्ताले भरीपूर्ण बिबेकी मानिसहरु कहिल्यै पनि खराब कुराहरु उछालेर आफू कार्यरत संस्था र संगठनलाई कमजोर बनाउंदैनन । संगठनभित्रको अन्तर्विरोधहरु संचार र सामाजिक सञ्जालहरुमा पोखाएर अरुलाई हिलो छ्याप्ने काम गर्दैनन । आफूभित्र रहेका असन्तुस्टीहरु बैठक र छलफलमा सालीन ढंगले प्रस्तुत गरेर समस्याको निकासको लागि पहल गर्दछन । त्यस्तो संस्कार र संस्क्रिति भएकाहरुले नै समाज र राष्ट्रलाई रुपान्तरण गर्न सक्छन भने स्वार्थको दुनियाँमा रम्नेहरु एकदिन पतन भएर जाने छन । तपाईं आफूलाई कस्तो बनाउने हो त्यो तपाईंकै चरित्रले निर्धारण गर्नेछ । बस !
जय लिम्बुवान !!!
Chhabisubba Sangbangphe Limbu को Facebook बाट साभार
No comments:
Post a Comment