लिम्बुवानलाई खुल्ला पत्र.....by Dammar Labung

            देशको एकात्मक जातिवादी राज्य र शासकहरुको बिरुद्धमा निरन्तर शसक्त सङ्घर्ष भएको छ भने, त्यो केवल लिम्बुवानले मात्र बिगत देखि गर्दै आएको छ / लिम्बुवान पुर्वको निश्चित केहि क्षेत्रमा मात्र सिमित भए पनि यसले राष्ट्रिय राजनीतिमा राम्रोसंग प्रभाव पार्न सफल भएको देखिन्छ / पार्टीको आकार र लिम्बुवानको प्रभावित क्षेत्र हेर्दा सानो भए पनि पूर्वको राजनीति र संघीय आन्दोलनको लागि निकै ठुलै शक्ति र आशा-भरोसाको केन्द्र मान्नु पर्छ तर यसरी हरेक परिस्थितिमा बलियो देखिएको लिम्बुवान पार्टी पछिल्लो समय अर्थात पाच पार्टी एकता पछि झन् शक्तिशाली हुनु पर्नेमा बरु दिन-प्रतिदिन कमजोर भएको जस्तो देखिन्छ / 

                   सङ्घीय लिम्बुवान पार्टी भित्र कुन रोगले ग्रसित भएको छ त्यसको वास्तविकता चै लिम्बुवान पार्टी नेतृत्वको नेता-बुद्धिजीवीहरु नै राम्रोसंग जानकार र जिम्मेवारी छन् यसमा दुइ मत छैन / नेपालको सङ्घीय क्रान्तिको लागि सबैको आशा र भरोसाको केन्द्र मानिएको लिम्बुवान पार्टी आज आएर अचानक अन्तरिक स्वास्थ्यमा निकै रोगी भएको सुन्नमा आएको छ / हामी लिम्बुवानी जनताको तर्फ बाट यति मात्र भन्न सकिन्छ कि, लिम्बुवानले जति सक्दो चाडो आफ्नो स्वास्थ्य उपचार गरी पुन: तन्दुरुस्त हुन सकोस भनि कामना गर्दछौ / किन भने अहिलेको नेपाली राजनीतिक परिस्थिति अनुसार एकात्मक जातिवादी चार दलको १६ बुधे राष्ट्रघाती निर्णयको बिरुद्धमा शसक्त सङ्घर्ष गर्न तयार भएर बस्नु पर्ने या अहिले ति एकात्मकवादी बिरुद्धमा सडक सङ्घर्ष गरि रहेको हुनु पर्ने तर लिम्बुवानको स्वास्थ्यमा प्रतिकुल असर परेको हो कि भन्ने लागेको छ /

                उता एकात्मकवादी चार दलले केन्द्रमा राष्ट्रघाती १६ बुधे र उत्पीडित जति र समुदायहरुलो लागि अधिकार बिहिन संबिधान राज्य शक्तिको बलमा लाद्ने क्रममा रात-दिन क्रियाशील हुनु र त्यहि समयमा एका-एक लिम्बुवानको स्वास्थ्यमा प्रतिकुल असर पुग्नुमा केहि भित्र-भित्रै घुसपैठ त भैरहेको छैन ? भन्ने आम लिम्बुवानी जनता माझ आशंका लागेको छ / त्यसैले देशको आम सङ्घीय आन्दोलनको पक्षधर र लिम्बुवानी जनताको आशाको र भरोसाको केन्द्र मानिएको लिम्बुवान पार्टी नेतृत्वले धोका नदिइयोस भन्दै हामी जनताको तर्फबाट पार्टी नेतृत्वलाई आफ्नो ध्यान आकर्षण गर्न चाहन्छौ /
जय लिम्बुवान......!!! .
जय सङ्घीय अभिवाद..........!!!