चुनावी सरकारले यस चुनावमा धांधली गरेको छ भन्ने आरोप लगाउन सक्ने थुप्रै कमि कमजोरीहरू छोडेका देखिन्छन | १. जनताले आफ्नो उमेदवारलाई खसालेको वोट त्यो उमेद्वारको हो | त्यसको सुरक्षा गर्नु त्यस उमेद्वार वा उहाँले तोकेको प्रतिनिधिको हो | यस कारण खालि मतपेतिकामा प्रतिनिधिहरूलाई सिल लगाउन लगाई, त्यस मतपेटिकामा मत खसाल्ने काम सम्पन्न भए पछि मत खसाल्ने प्वाल पनि बन्दगरी प्रतिनिधिहरूको रोहवरमा सिलगरी प्रतिनिधिहरूकै रोहवरमा खोलि मत गणना गर्नु पर्ने हो | मत गणना नसकेसम्म मतपेटिकाको सुरक्षा सुरक्षाकर्मी र उमेदवारका प्रतिनिधिहरूले गर्नु पर्ने हो | मतदान सकिए पछि मत भरिएको मतपेटिकामा प्रतिनिधिहरूको सिल हाल्न नलगाउनु र मतले भरिएको मतपेटिका सुरक्षा निकायको नियन्त्रमा मात्र राख्नुले सुरक्षा निकायको नियन्त्रमा रहेकै बेलामा धाधली भयो वा गरियो भन्ने आक्षेप लाग्न सक्ने प्रसस्त्र अधार बन्यो | २. हाम्रो देशको सुरक्षा निकाय माथिको आदेश मान्ने निकाय भएकोले माथिल्लो निकायले चाहेमा आरामसंग धांधली गर्न सकिन्छ | कम्तिमा पनि १०-१५ घण्टा सम्म मतले भरिएको मतपेटिका सुरक्षा निकायको मात्र नियन्त्रमा रहेकोले संका गर्ने प्रसस्त्र गुन्जाइस छ | ३. नेपालमा लोकतान्त्रिक गणतन्त्रले राम्ररी जग हालेकै छैन | सुरक्षाकर्मी पनि बारम्बार राजनीतिमा मुक्षेको खबर सुन्नमा आइरहेका छन् | २५० वर्षसम्म एकतन्त्रीय शासन मातहतमा संचालित सुरक्षा कर्मी २-४ वर्षमै निस्पक्ष भैसक्यो भनेर मान्नु कतिको सान्दर्विक हुन्छ | जुन देशमा अहिले पनि राजतन्त्रलाई एउटा ठूलो सक्रिय शक्तिको रुपमा लिइ रहेको अवस्था विदितै छ | उदाहरणका लागि २००७ साल यता नेपालमा प्रजातन्त्र आयो भनेता पनि राजाले बेला मौकामा शासन हत्याएर राजतन्त्रको हाली मुहाली देखाएको हरेक नेपालीले देखी आएकै कुरा हो | केहि वर्ष अघिमात्र जनताले निर्वाचित प्रतिनिधिहरूबाट छानिएका प्रधान-मंत्री शेर बहादुर देउबालाई नालायक भनि पदच्यूत गरी ज्ञानेन्द्रले राज्यसत्ता आफ्नो नियन्त्रमा लिएको अवश्य पनि नेपालीहरूले बिर्सेका छैनन् होला | ४. फेरी रा.प्र.पाका नेताहरूको त कुरै छोडौ नेपाली कांग्रेस र एमालेका अधिकांस ठुला भनाउदा नेताहरू राजाका अगाडी दाम राखेर धनुष तन्कार पाराले ढोग गरेर वफादारि देखायक नेताहरू नै हुन | यस्ता पुराना विचारधाराका नेताहरू आमुल परिवर्तन चाहंदैनन पनि | ५. फेरी संसारमै एकमात्र हिन्दुरास्ट्रको नामले परिचित नेपाललाई धर्म निरपेक्ष घोषणा हुनु र जननिर्वाचित कार्यकारी रास्ट्रपतीको प्रस्तावले राजाको नाम निसानै सदाकै निम्ति मेटिने सम्भावनाले पनि सुरक्षा निकायको कमजोरीको फाइदा न उठाउला भन्न सकिने आधार छैन | ६. यस्तो अवस्थामा निर्वाचन आयोगले जतिसुकै शान्त पुर्वक धाधली रहित निर्वाचन भयो भनेता पनि असंतुस्तहरूले आक्षेप लगाउन सक्ने प्रशस्त आधारहरू भेटिन्छन | ७. यसपालिको निर्वाचनमा भएका कमीकमजोरीहरूलाई मनन गरी निर्वाचन आयोगले आगामी निर्वाचन प्रक्रियामा सुधार ल्याउनु हुनेछ भन्ने भरोसा गरौ | ८. फोटो सहितको मतदाता परिचय-पत्र निर्वाचन आयोगले अविलम्ब जारि गरियोस न त तीन वर्ष लगाएर निर्वाचनको मुखमा | ९. जुवा खेल्दा कि त जित्छ कित हार्छ या त हार पनि हुँदैन जित पनि हुंदैन | तर चुनावमा लड्ने मान्छे कि त जित्छ कि त हार्छ | त्यो जनताको हातमा हुने भएकोले जनमतको नतिजा निष्पक्ष रुपमा जनमानसमा आउनु नितान्त आवश्यक छ | यसले मतदाताहरूलाई सहि उमेद्वार छान्न सघाउछ पनि |
No comments:
Post a Comment